2016年9月13日 星期二

欺詐遊戲

原來人與人之間唔多唔少都會有欺詐既出現。

朋友A問我借錢,叫我唔好同朋友B講。咁我做人咁耐都算守得秘密,所以都冇諗住周圍講。但前兩日朋友C問我有冇借錢比A,我諗左一諗講唔講好,結果決定都係唔講出黎。之後我問C點解咁問我,佢話B同佢講。

之後我就無再追問落去。因為我已經有以下結論:

1. B係口疏之人。
2. A想兩邊都唔得失,之後可以繼續借錢而唔會比另一方知。


2016年8月23日 星期二

強逼自己

好耐都無係呢到寫過野,但其實自己每一日都會睇其他blogger既文章增值下自己(希望?)。

寫得呢個標題既原因有如下:

1. 因為又轉左工,好聽叫被重召回舊公司,唔好聽就叫食回頭草。不過我自己好清楚今次返來都係為每個月多幾千人工而出賣自己靈魂。雖然我上司都對我好大容忍,因為我既死症就係英文,無論係講定寫都係。一至十分,我諗自己得3-4分。所以我決定左逼自己學英文,由文法開始。。。唔知幾時先成功TT

2. 月供滙豐已經開始左兩個月,但因為呢兩個月供得小,唔夠股息轉做股票,做唔到復利效果,唉。不過已經開始左就唔會返轉頭,希望可以盡快可以開始感受復利既好處。

3. 增加儲蓄。今個月成功係馬會贏左幾千,心裏明白攞左出黎先係自己既錢。呢舊錢已經放左係儲蓄戶口,唔會攞返出來。

4. 買樓。 第一目標係美孚新村,見最平都要500萬,儲蓄根本追不上。可以點?



2015年7月12日 星期日

繼續增持

星期五時增持兩手939 @ 6.57, 以作收息之用。

Ps: 明天返新工,一定要順利!

2015年7月8日 星期三

1270

今日繼續跌到媽媽聲, 不過已經冇左驚既感覺, 哈哈, 我諗我傻左...

仲有今早入左3手1270@3.19...




財務自由路

1270@3.19  3手
1288@4.19  10手

2015年7月6日 星期一

壯士斷臂

上星期五入左3888, 一心諗住阿爺會救市, 結果阿爺落重藥救市, 可惜救到A股救唔到H股...

攪到上午要怒斬一臂止蝕, 但現在回想, 唔斬既話死得更快...不過尾市抽升, 入左3000股, 睇下明天個市點, 希望食到啲啦...

1270 - 今日見到尾市跌到3.27, 如未來一兩日都係大約呢個價就會入返多小收息之用...




財務自由成份
農業銀行 - 10000股@4.19

2015年7月4日 星期六

開始

今天正式好好為自已記錄一下...

過去已過去, 無謂再想, 要成功就向前看!!!

睇到好多高手已經財務自由或已十分接近, 簡單來講, 我的目標為:

1. 買350萬-400萬樓, 為結婚用
2. 成功財務自由 (被動收入要有200000/年)

為第一個目標, 已經開始不斷睇有冇合式的樓, 但一看戶口, 要繼續努力, 我一定得既!!!

為第二個目標, 剛於7月頭增持10000股農業銀行, 將收取2300元股息. 

另每個月買入3手1270作收息用, 再用股息再買1270, 我一定得既!!!